ناوی چەند کەسێکی سەربەخۆ بۆ پۆستی سەرۆک وەزیرانی عێراق راگەیەنرا

KNN : Kurdish News Network
05:17 - 18/05/2022
عێراق

پەرلەمانتارێکی سەربەخۆ دەستپێشخەری پەرلەمانتارە سوننەکانی بۆ تیپەڕاندنی دۆخی چەقبەستویی عێراق ئاشکراکرد و تێیدا ئاماژەی بە کاندیدکردنی چەند کەسێکی سەربەخۆ بۆ پۆستی سەرۆک وەزیران کرد.


سەڵاح تەمیمی، پەرلەمانتاری سەربەخۆ رایگەیاند: کوتلەی سەربەخۆکان دەستپێشخەری خۆیان بۆ پێکهێنانی حکومەتی نوێی عێراق خستوەتەڕو و دەشیانەوێت دۆخی عێراق لە چەقبەستویی تێبپەڕێنرێت.

 

ئاماژەی بەوەشکردوە، پێویستە سەرۆک وەزیرانی داهاتو عێراق کەسێکی سەربەخۆ بێت و لەو روەشەوە ناوی چەند کەسێکییان ئامادەکردوە و لەچەند رۆژی داهاتودا ناوەکانیان پێشکەش دەکرێن.

 

دەشڵێت: پێکهێنانی حکومەتی زۆرینە و کەمکردنەوەی توندوتیژی بەم رێگەیەی ئێستا دروست نییە و ناکرێت هاوڵاتییان بخرێنە ناو قەیرانێکی دیکەوە.

115 جار خوێندراوەتەوە