دایك و باوکێکی هیندی سکاڵایان لەسەر کوڕەکەیان تۆمارکردوە بەهۆی ئەوەی ناهێڵێت منداڵی ببێت و کورەکەشیان ماوەی شەش ساڵە هاوسەرگیری کردوە.

 

سانجیڤ رانجان و سادهانا پراسەد، دو هاوسەری هیندی بەهۆی ئەوەی کوڕەکەیان نەیهێشتوە منداڵی ببێت و ببن بە داپیرە و باپیرە سکاڵای یاساییان لەسەر تۆمارکرد.

 

داواشیان کردوە، ئەگەر ساڵی داهاتو نەهێڵێت منداڵی ببێت پێویستە (530) هەزار پاوەند کە دەکاتە (647) هەزار و (984) دۆلار وەکو قەرەبو بداتە باوك و دایکی.

 

دایك و باوکەکە رایانگەیاند: گرنگ نییە منداڵەکە کچ بێت یان کوڕ، ئێمە تەنیا نەوەیەکمان دەوێت و کوڕەکەمان پلانی نییە منداڵی هەبێت.


دەشڵێن: نەوەمان دەوێت بۆ ئەوەی کاتی لەگەڵدا بەسەر بەرین بۆ ئەوەی ئازارەکانمان بڕەوێنێتەوە.

 

باسیان لەوەشکردوە، بوکەکەیان کۆنترۆڵی پارەکەی کوڕەکەیانی کردوە و ئەمەش وای لێکردوە بیر لە منداڵ نەکاتەوە.

 

 

باوکەکە وتیشی: هەمو سامانەکەی بۆ خوێندنی کوڕەکەی لە ئەمەریکا خەرج کردوە لە کاتێکدا کە کێشەی داراییش هەبوە.

 

ئاماژەی بەوەشداوە، قەرەبو کردنەوەی پارەی ئاهەنگی هاوسەرگیری و ئۆتۆمبێل و مانگی هەنگوینی کە لە دەرەوەی وڵات بەسەریان بردوە دەگرێتەوە.

 

بڕیار وایە لە (17)ی ئەم مانگە یەکەمین دانیشتنی دادگا لەسەر ئەو کەیسە بەڕێوەبچێت.

273 جار خوێندراوەتەوە