هێزە ئەمنییەکانی پارێزگای کەربەلا دەستییان بەسەر چەند بارهەڵگرێکدا گرت لە ویستبویان گەنم بە قاچاغ ببەنە دەرەوەی شارەکە.

نوسینگەی پارێزگاری کەربەلا رایگەیاند: پارێزگار نوسراوێکی ئاڕاستەی هێزە ئەمنییەکان کردوە و فەرمانی پێداون کە نابێت گەنم ببرێتە دەرەوەی شارەکە و لەسەر ئەو بنەمایە هێزە ئەمنییەکان چەند بارهەڵگرێکییان گرتوە.

دەشڵێت: دوای بە دواداچونێکی فەرمانگەی چاودێری بازرگانی و کشتوکاڵی کەربەلا توانرا چەند بارهەڵگرێكی قاچاغی گەنم ئاشکرا بکرێت.

ئەوەشی خستوتەڕو، هەر کەسێك بیەوێت گەنم بەرێتە دەرەوەی پارێزگاکە بە قاچاغ، روبەروی یاسا دەکرێتەوە و لێپێچینەوەی لەگەڵدا دەکرێت.