لە تەقینەوەکەى شەوى رابردوى کافتریایەکى سلێمانى (13) کەس برینداربوون کە چوار کەسیان نەشتەرگەرییان بۆکراوە.

شەوى رابردو کاتژمێر (1:10) خولەکى شەو، لەیەکێک لە کافتریاکانى شارى سلێمانى بەهۆى غازەوە تەقینەوەیەک رویدا و(13) هاوڵاتى برینداربون و زیانێکى زۆرى ماددیش بەر بیناکە کەوت.

بەپێى زانیارییەکانى کەى ئێن ئێن، نۆ بریندار لە نەخۆشخانە هێڵراونەتەوە و چوار لە بریندارەکانیش نەشتەرگەریان بۆکراوە.

تا درەنگانێکى شەورى رابردوش لە ژێر داروپەردوى روخاوى کافتریاکە، تیمەکانى فریاگوزارى و بەرگرى شارستانى لە هەوڵدابون بۆ کوژانەوەى ئاگرەکە و فریاکەوتنى هەر کەسێک کە کەوتبێت بە ژێرەوە.