سێ حاڵەتی چاکبونەوەی تای خوێنبەربون لە عێراق راگەیەندرا

KNN : Kurdish News Network
01:32 - 08/05/2022
عێراق

بەڕێوەبەرایەتی تەندروستی کەربەلا چاکبونەوەی سێ حاڵەتی تای خوێنبەربونی راگەیاند، دوای ئەوەی بۆ ماوەیەك لە نەخۆشخانەکاندا مابونەوە.

 

 

تەندروستی کەربەلا رایگەیاند: سێ نەخۆش دوای ئەوەی لە نەخۆشخانەکانی پارێزگاکە خەوێنرابون و چارەسەری پێویستییان بۆ کرا، تای خوێنبەربونیان تێپەڕاند و لە ئێستادا هیچ حاڵەتێکی ئەو نەخۆشییە لە نەخۆشخانەکانماندا نەماوە.

 

 

باسی لەوەشکردوە، لە ئێستادا لەگەڵ فەرمانگەکانی ڤێتێرنەری و کشتوکاڵ و شارەوانی و پۆلیس و ژینگە بەردەوام لە کاردا بە مەبەستی قەڵاچۆکردنی ئەو نەخۆشییە.

 

 

تای خوێنبەربون بە هۆی ڤایرۆسێکەوە لە ئەنجامی بەرکەوتن بە مێشومەگەز یاخود ئاژەڵی هەڵگری ئەو ڤایرۆسە رودەدات، کە مێشومەگەز و قرتێنەرەکان و شەمشەمە کوێرە هەڵگری ئەو ڤایرۆسەن.



تای خوێنبەربون لە کەسێکەوە بۆ کەسێکی دیکە لە رێگەی بەرکەوتن یاخود دەست لێدان لە خوێن و شلەی لەش (ئیفرازات) و لیك و سپێرمەوە دەگوازرێتەوە.

 


پەتای کۆنگۆ یاخود تای خوێنبەربون، بەهۆی ڤایرۆسێکەوە سەرهەڵدەدات کە زیندەوەرێکی بچوک "گەنە" هەڵیدەگرێت و نەخۆشییەکە لە ڕێگەى ئاژەڵەوە بۆ مرۆڤ دەگوازرێتەوە، بۆ یەکەمجار لە ساڵی 1944 لە جەنگى جیهانی دووەمدا سەریهەڵداوە، رێژەى (40%)ى ئەو کەسانەى توشى دەبن پێى دەمرن.

186 جار خوێندراوەتەوە