بەهۆى بڵاوبونەوەى گۆڕاوى ئۆمیکرۆن و زیادبونى حاڵەتەکانى توشبون بە ڤایرۆسى کۆرۆنا، بڕیاردراوە دەوامى فەرمانبەران لە پارێزگاى بەغدا بۆ نیوە کەمبکرێتەوە.

بەڕێوەبەرى نوسینگەى پارێزگاى بەغداد، لە فەرمانێکدا کە ئاڕاستەى نوسینگە و یەکە ئیدارییەکانى کەرخ و رەسافەى کردوە رایدەگەیەنێت: تەواوى فەرمانگەکانى نیشتەجێکردن و شارەوانییەکان و بەڕێوەبەرایەتى کاروبارى کۆمەڵایەتی و بەڕێوەبەرایەتى کشتوکاڵ لە پارێزگاى بەغداد، دەوامکردنى فەرمانبەرانیان بۆ لەسەدا (50) کەمدەکرێتەوە.

لە فەرمانەکەدا هۆکارى کەمکردنەوەى دەوامى فەرمانبەران بۆ زۆربونى ژمارەى توشبون بە ڤایرۆسى کۆرۆنا گەڕێندراوەتەوە و ئاماژە بۆ ئەوەکراوە کە گۆڕاوى ئۆمیکرۆن بڵاوبوەتەوە و ئەوانیش رێکارەکانى پەیوەست بە خۆپارێزى و رێنماییەکانى لیژنەى باڵاى تەندروستى جێبەجێ دەکەن.