ئێران: هەنگاوی باشمان بڕیوە بۆ رێککەوتن

KNN : Kurdish News Network
05:04 - 11/01/2022
جیهان

وتەبێژی وەزارەتی دەرەوەی ئێران رایدەگەیەنێت؛ کەشی گفتوگۆکانی ڤییەننا لەبارەی دۆسییە ئەتۆمییەکەی ئێران دڵخۆشکەرە بەوەی سەرجەم لایەنەکانی گفتوگۆ دەیانەوێت بگەنە رێککەوتنێکی متمانەپێکراو و سەقامگیر.

سەعید خەتیبزادە، وتەبێژی وەزارەتی دەرەوەی ئێران لە کۆنگرەیەکی رۆژنامەوانیدا ئاماژەی بە دواین بەرەوپێشچونەکان کرد لەبارەی پرسی بەرنامە ئەتۆمییەکەی ئێران و لەوبارەیەوە وتی: ئەوەی ئێستا هەیە دەرەنجامی هەوڵی سەرجەم لایەنەکانە بۆ گەیشتن بە رێککەوتنێکی متمانەپێکراو و سەقامگیر.

وتیشی: بەرەوپێشچون هەیە لەبارەی هەر چوار پرسی هەڵگرتنی سزاکان و بەرنامە ئەتۆمییەکە و بەدواداچون و بەدەستهێنانی گەرەنتی لەوبارەیەوە.

وتەبێژی وەزارەتی دەرەوە ئاماژەی بەوەشکرد، هەندێک بابەتی دیکە هەیە لەبارەی رێککەوتنی ئەتۆمی کە دەکرێت گفتوگۆی لەسەر بکرێت، بەڵام لەسەر چەندین خاڵ ئەنجامی باش بەدەستهاتون و بەرەوپێشچونی زیاتریش دێتە دی ئەگەر ئیرادە لەلایەن لایەنەکانی دیکەوە هەبێت.

193 جار خوێندراوەتەوە