نەخۆشخانەی شار لەشاری سلێمانی بە گەورەترین مەشقی راهێنانی پزیشکان لەسەر ئاستی پارێزگاکانی عێراق دەستنیشانکرا.

تەندروستى سلێمانى رایگەیاند: بەپێی رێنماییەکانی ئەنجومەنی عێراقی بۆ پسپۆڕییە پزیشکییەکانی سەر بە وەزارەتی خوێندنی باڵا و توێژیینەوەی زانستی عێراق لە فەرمانێکی کارگێڕیدا کە لە (30/12/2021)دا دەرچووە و بڵاوکراوەتەوە، ئەنجومەنەکە بڕیاریدا بە دانانی ژمارەیەک سەنتەری مەشکردن لە ریزی سەنتەرەکانی پشت بەستراوی خوێندکارانی پسپۆڕییەکان، بەهۆی بوونی مەرج و ڕێنماییەکان تیایدا.

بریارەکە، نەخۆشخانەی (شار)ی سلێمانى، وەک گەورەترین مەشقی راهێنانی خوێندکارانی پسپۆڕییەکان بۆ نەشتەرگەری لە ڕیزی سەنتەرەکان دەستنیشانکردووە کە واژۆى سەرۆکی ئەنجومەنی عێراق بۆ پسپۆڕییە پزیشکییەکانی لەسەرە.