هاوپەیمانى فەتح هۆشدارى دەدات: دۆخى عێراق بەرەو ئاڵۆزى زیاتر دەچێت

KNN : Kurdish News Network
10:13 - 06/12/2021
عێراق

هاوپەیمانیی فەتح، رایدەگەیەنێت پەسەندکردنی ئەنجامی هەڵبژاردنە پەرلەمانیەکەى عێراق وڵات بەرەو ئاڵۆزى زیاتر دەبات ‌و دادگای فیدراڵی ‌و ئەنجومەنی دادوەری دەخاتە بەردەم بەرپرسیارێتیی 

محەمەد بەیاتی، سەرکردە لە هاوپەیمانیی فەتح، راگەیاند: پەسەندکردنی ئەنجامی هەڵبژاردنەکە لەلایەن دادگای فیدراڵی ‌و ئەنجومەنی دادوەرییەوە، ئەو دوو دەزگایە دەخاتە بەردەم بەرپرسیارێتیی لە بەرامبەر گەلى عێراق

ئاماژەی بەوەیش کرد: ناکرێت ئەنجامەکان بەو شێوەیەی بڵاوکرانەوە، پەسەند بکرێن، لەکاتێکدا هەڵبژاردنەکە پڕبوە لە گزی ‌و ساختەکاری.

جەختیشی کردەوە، پەسەندکردنی ئەنجامەکان و پێدانى شەرعیەت بەو هەڵبژاردنە، شەقامى عێراقى بەرەو ئاڵۆزیی زیاتر دەبات دەبێتەهۆى فراوانبونى بازنەى ناڕەزایەتیەکان و گەڕانەوە بۆخاڵى سەرەتا.

سەرکردەکەی هاوپەیمانیی فەتح، وتیشی: ئەگەر ئەنجامەکانیش پەسەند نەکرێن، ئەوا دەبێت بیر لەهەڵبژارنێکی دیکەی پێشوەخت بکرێتەوە.

 

دوێنێ، هادی عامری، سەرۆکی هاوپەیمانێتییەکەش، لە کۆنگرەیەکی رۆژنامەوانیدا، ئەنجامی هەڵبژاردنەکەی رەت کردەوە ‌و وتی: بەڵگەی پێویستیان بۆ سەلماندنی بونی ساختەکاری لە هەڵبژاردنەکە، لەبەردەستە.

219 جار خوێندراوەتەوە