خۆپیشاندaن لە باکوری کوردستان و شارە گەورەکانی تورکیا دژی دابەزینی بەهای لیرە بەردەوامە و شەوی رابردو زیاتر لە 40 کەس لە ئیستانبوڵ دەستگیرکران.

 
دو رۆژە خۆپیشاندن لە دژی دابەزینی بەهای لیرە لە تورکیا بەردەوامە و خۆپیشاندانەکانیش باکوری کوردستان و دو شاری ئیستانبوڵ و ئەنقەرەی لەو وڵاتە گرتەوە و شەوی رابردوش پۆلیس هێرشی کردە سەر خۆپیشاندەرانی شاری ئیستانبوڵ و زیاتر لە 40 کەس دەستگیرکران.

خۆپیشاندەران داوایان کرد بەرپرسانی حکومەتی تورکیا دەست لەکار بکێشنەوە بۆ ئەوە چیتر بەهای لیرە دابەزینی زیاتر بەخۆیەوە نەبینیێت بەڵام پۆلیس بە گازی فرمێسکڕێژ و ئاو هێرشی کردە سەر خۆپیشاندەران.

بە پێی بڕیارێکی حکومەت تا ماوەی یەک مانگ خۆپیشاندان و گردبوەنە لە شارە گەورەکانی تورکیا قەدەغە کراوە بەڵام دابەزینی لیرە لە بەرامبەر دۆلار ناڕەزایەتی و خۆپیشاندانی لێکەوتەوە.

رۆژی سێشەمە بەهای هەر دۆلارێک لە تورکیا گەیشتە نزیکەی 13 لیرە و ئەمڕۆ پێنجشەممەش بەهای هەر دۆلارێک بۆ 12 لیرە و 21 قروش دابەزی لە کاتێکدا هەفتەی رابردو نرخی هەر دۆلارێک نزیکەی 10 لیرە بو و بەو پێیە دراوەکە نزیکەی 9٪ی بەهاکەی لەدەست داوە.