بە دروشمى "بڕوخێ حکومەت" لە ئیستانبوڵ و ئەنقەرە خۆپیشاندان ئەنجامدرا

KNN : Kurdish News Network
09:20 - 24/11/2021
جیهان

بەهۆى دابەزینى بەردەوام لە بەهاى لیرە و خراپى رەوشى ئابورى بەشێک لە هاوڵاتیانى تورکیا، خەڵکى لەشارەکانى ئیستەنبوڵ و ئەنقەرە دەستیان بە خۆپیشاندان کرد.

ئاژانسەکانى هەواڵ لە تورکیا بڵاویان کردەوە، شەوى رابردو لە شارەکانى ئیستانبوڵ و ئەنقەرە، بەشێک لە هاوڵاتیان رژانە سەر شەقامەکان و خۆپیشاندانیان دەستپێکرد و دروشمەکانى " بروخێ حکومەت"، " بروخێ ئاکپارتى"یان دەوتەوە.

خۆپیشاندانى هاوڵاتیانى تورکیا دژى رەوشى خراپى ئابورییە، چونکە بەهاى لیرەى تورکى بەبەردەوامى دادبەزێت و رۆژ بە ڕۆژ بەهۆى هەڵاوسانى نرخەکەى کەلوپەل و پێداویستى رۆژانەى هاوڵاتیان گران دەبێت.

دوێنێش، لیرەى تورکى بەشێوەیەکى بەرچاو بەهاکەى لەدەستدا، بەشێوەیەک یەک دۆلارى ئەمەریکى  بەرامبەر (13) لیرەى تورکى مامەڵەى پێوەکرا و نرخەکەشى بەردەوامە لە دابەزین.

ئەوەش لە کاتێکدایە، پێش دورۆژ رەجەب تەیب ئەردۆغان رایگەیاندبو کە لە دژى رەوشى خراپى ئابورى شەڕى رزگارى ئابورى دەستپێدەکات.

495 جار خوێندراوەتەوە