سەرۆک وەزیرانى پۆڵەندا لەسەر دۆسیەى کۆچبەران هۆشدارى دەدات

KNN : Kurdish News Network
03:45 - 10/11/2021
جیهان

لەسەر دۆسیەى کۆچبەران سەرۆک وەزیرانى پۆڵەندا داوا دەکات کە یەکێتى ئەوروپا سزاى زیاتر بەسەر بیلاروسیادا بسەپێنێت، جەختیش لە توندترکردنەوەى سنورەکانیان دەکاتەوە.

 

ماتیۆس مۆرافیسکى، سەرۆک وەزیرانى پۆڵەندا لە کۆنگرەیەکى رۆژنامەوانیدا رایگەیاند، بیلاروسیا کۆچبەران وەک کاتى فشاربەکاردەهێنێت.

 

راشیگەیاند، پێویستە گەشتى ئاسمانى لەرۆژهەڵاتى ناوەراستەوە بۆ بیلاروسیا رابگیرێت، بۆ ئەوەى سنورێک بۆهاتنى کۆچبەران دابنرێت.

 

سەرۆک وەزیرانى پۆڵەندا هێرشى توندیشى کردە سەر بیلاروسیا و رایگەیاند، بیلاروسیا خەڵک دەهێنیت بۆ ئەوروپا، داواشیکرد یەکێتى ئەوروپا سزاى زیاترى بەسەردا بسەپێنیت.

جەختیشى کردەوە، سنورەکانمان توندتر دەکەینەوە و بە رووى بیلاروسیادا بە تەواوى دایدەخەین.

2021 جار خوێندراوەتەوە