بەرزبونەوەى ئاستى دەریاکان (33) شار لە جیهاندا دەخاتە ژێر هەڕەشەى نقومبون

KNN : Kurdish News Network
10:17 - 05/11/2021
جیهان

په‌یمانگه‌ی Worldwatchـی ئه‌مه‌ریكی رایگەیاندوە، به‌رزبوونه‌وه‌ی ئاستی ده‌ریاكان هه‌ڕه‌شه‌یه‌ بۆ نقووم بوونی 33 شار له‌سه‌ر ئاستی جیهان.

 

 
لە توێژینەوەیەکی پەیمانگاکەدا هاتووە، به‌رزبوونه‌وه‌ی ئاستی ده‌ریا و زه‌ریاكان وا ده‌كات به‌شێك له‌ پایته‌خته‌كانی جیهان نقووم بن و شارى جددەى سعودیەو بەسڕەى عێراق مەترسی ژێر ئاوکەوتنیان لەسەرەو بەرزبونەوەى ئاستى ئاو کارەساتى گەورە لەو دو وڵاتەدا دروستدەکات.

 

بەپێی توێژینەوەکەى ئەو پەیمانگەیە ئاماژە بەوەدراوە زۆربه‌ی ئه‌و وڵاتانه‌ی كه‌ كه‌وتوونه‌ته‌ سه‌ر كه‌ناری ده‌ریا و زه‌ریاكان مه‌ترسی نقووم بوونیان له‌سه‌ره‌، وه‌ك ئه‌سكه‌نده‌ریه‌، به‌سڕه‌، له‌نده‌ن، هیوستن، شه‌نگه‌های، بانكۆك و ماڵدیف.

 

له‌ گلاسگۆی پایته‌ختی سكۆتله‌ندا، به‌ ئاماده‌بوونی سه‌ركرده‌ و كه‌سایه‌تی 120 وڵاتی جیهانی لووتكه‌ی (دوا مۆڵه‌ت)ـی تایبه‌ت به‌ ژینگه‌ و به‌رزبوونه‌وه‌ی پله‌ی گه‌رمی گۆی زه‌وی باس له‌ پاراستنی له‌ سه‌دا 85 دارستانه‌كانی وڵاته‌كانیان كرد، تاوه‌كو ژینگه‌ی گۆی زه‌وی تاوه‌كو 2030 زیاتر تێك نه‌چێت.

4955 جار خوێندراوەتەوە