ئەمەریکا : داعش دەیەوێت لە ئەفغانستانەوە هێرش بکاتە سەرمان

KNN : Kurdish News Network
03:23 - 27/10/2021
جیهان

بەرپرسێکی پێنتاگۆن رایدەگەیەنێت کە رێکخراوی داعش دەیەوێت لە ئەفغانستان هێرش بکاتە سەر ئەمریکا و تاڵێبانیش دەڵێت بونی داعش و ئەلقاعیدە لە وڵاتەکەدا دورە لە راستییەوە.

 

 
کۆڵین کاڵ، راوێژکاری سیاسی و ئاسایشی وەزیری بەرگریی ئەمەریکا هۆشداریی داوە لە ئەگەری هێرشی داعش بۆسەر بەرژەوەندییەکانی وڵاتەکەی لە ئەفغانستان و دەڵێت رون نییە کە تاڵیبان بتوانێت لە ئەفغانستان بەرەنگاری داعش ببێتەوە.

 

زەبیوحوڵڵا موجاهید، وتەبێژی تاڵیبان لە بەرامبەر لێدوانەکەی ئەو بەرپرسەی وەزارەتی بەرگریی ئەمریکا -پنتاگۆن- رایگەیاند سەرجەم ئەو لێدوان و وتانەی کە ئاماژە بە توانای داعش و ئەلقاعیدە لە ئەفغانستان دەکەن، دورن لە راستییەوە.

 

لێدوانی ئەو بەرپرسەی پنتاگۆن لە کاتێکدایە کە پێشتریش ژمارەیەک فەرماندەی سەربازیی و ئەمنیی ئەمریکا هۆشداریان دابو لە سەرهەڵدانەوەی ئەلقاعیدە و بەهێزبونی داعش لە ئەفغانستان.

85 جار خوێندراوەتەوە