عێراق و لوبنان؛ لەبارەی هەڵگرتنی ڤیزای نێوانیان گفتوگۆدەکەن

KNN : Kurdish News Network
07:58 - 12/10/2021
عێراق

وەزیرانی دەرەوەی عێراق و لوبنان لەبارەی هەڵگرتنی ڤیزای نێوانیان و زیاکردنی قەبارەی بازرگانی گفتوگۆدەکەن.

 

لە راگەیەنراوێکی وەزارەتی دەرەوەی عێراقدا هاتووە، ئەمڕۆ سێشەممە وەزیری دەرەوەی عێراق لەگەڵ وەزیری دەرەوەی لوبنان کۆبوەتەوە و ئامادەیی و پابەندبونی وڵاتەکەی بۆ بەردەوامبوون لە دابینکردنی هاوکارییەکان بۆ لوبنان دەربڕیوە.

 

ئاماژە بەوەکراوە، لە کۆبونەوەکەدا هەردولا باسیان لە  گرنگی پەیوەندی نێوانیان و پێکەوەکارکردن کردۆتەوە، بۆ هەڵگرتنی ڤیزا لەنێوان دوو وڵاتەکە و بەرزکردنەوەی ئاستی قەبارەی بازرگانی نێوان هەردوولا و رێکەوتون لەسەر پێکهێنانی لیژنەیەکی هاوبەش بۆئەو مەبەستە.

494 جار خوێندراوەتەوە