شارەزایەکی یاسایی: دواى راگەیاندنى ئەنجامەکان لەماوەى سێ رۆژدا دەرگاى تانەدان لەئەنجامەکان دەکرێتەوە

KNN : Kurdish News Network
09:48 - 11/10/2021
عێراق

شارەزایەکی یاسایی عێراقى رایدەگەیەنێت، دواى راگەیاندنى ئەنجامەکان لەماوەى سێ رۆژدا دەرگاى تانەدان لەئەنجامەکان دەکرێتەوە و دواتر بەسەر سێ جۆردا دابەشدەکرێن.  

 

 
عەلى تەمیمى شارەزای یاسایی عێراقى لە رونکردنەوەیەکدا ئاماژەى بەوەکردوە،دوای ئەوەی کۆمسیۆن ئەنجامی کۆتایی دەنگدانی بڵاوکردوە، لەماوەی سێ رۆژدا تانەى لێبدرێت،باسی لەوەشکردوە لەحاڵەتى رەتکردنەوەى تانەکە،دەکرێت پەناببرێت بۆ دەستەى دادوەرى کە بەپێی یاساى کۆمسیۆن لە سێ دادوەر پێکدەهێنرێت و بڕیارەکانى بنبڕە و لە 10 رۆژدا بڕیارەکانى یەکلایی دەکاتەوە.

 

رونیشیکردووەتەوە، سێ جۆر سکاڵا هەن یەکەمیان سورە کە کاریگەرى لەسەر ئەنجامى دەنگدان دەبێت و بەڵگەى لەگەڵدایە،دووەمیان سەوزەکە کاریگەرى نابێت و بەڵگەى لەگەڵدا نییە،سێیەمیان زەردەکە بەهۆى نەبوونى هیچ پاڵپشتییەکى یاسایی و بابەتى راستەوخۆرەتدەکرێتەوە.  

 

تەمیمى دەڵێت، دواى یەکلاییکردنەوەى تانەکان ئەنجومەنى کۆمسیاران رەزامەندى لەسەرئەنجامەکان دەدات و دەینێرێت بۆدادگاى فیدراڵى.

542 جار خوێندراوەتەوە