بەهۆی کەوتنەخوارەوەی موشەک لە فڕۆکەخانەیەکی سعودیە پێنج کەس برینداربوون

KNN : Kurdish News Network
10:51 - 09/10/2021
جیهان

هاوپه‌یمانی عه‌ره‌بی به‌ سه‌رۆكایه‌تی سعودیه‌ كه‌ پشتیوانی له‌ حكومه‌تی یه‌مه‌ن ده‌كات رایگه‌یاند، له‌ ئەنجامی كه‌وتنه‌ خوارەوە‌ی موشه‌ك له‌ فڕۆكه‌خانه‌ی نێوده‌وڵه‌تی شا عه‌بدوڵڵا له‌ باشوری رۆژئاوای سعودیه‌ كه‌ له‌لایه‌ن حوسییه‌كانه‌وه‌ ئاڕاسته‌ كرابوو  پێنج كه‌س بریندار بوون.

 

 
تورکی ئەلمالیکی وته‌بێژی هاوپه‌یمانی عه‌ره‌بی به‌ ئاژانسی هه‌واڵی سعودیه‌ SPAی راگه‌یاند ئه‌و موشه‌كه‌ی حوسییه‌كان ئاراسته‌یان كردووه،‌ له‌ فڕۆكه‌خانه‌ی نێوده‌وڵه‌تی شا عه‌بدوڵڵا له‌ شاری جازان كه‌وتوه‌ته‌ خواره‌وه‌.

 

ئاماژه‌ی به‌وه‌ داوه‌ به‌پێی زانیارییه‌ سەرەتاییەکان، پێنج كه‌س له‌ فڕۆكه‌خانه‌كه‌ بریندار بوون كه‌ گه‌شتیار و كارمه‌ندی فڕۆكه‌خانه‌كه‌ن.

 

تاكوو ئێستا له‌وباره‌یه‌وه‌ حوسییه‌كان هیچ لێدوانێكیان نه‌داوه‌.

225 جار خوێندراوەتەوە