شەش قاچاغچى کورد بە تۆمەتى بردنى پەنابەر بۆ بەریتانیا دەستگیرکران

KNN : Kurdish News Network
08:58 - 23/09/2021
کوردستان
+
-

بەرپرسانى بەریتانیا ئاشکرایانکرد، توانیویانە شەش کەس بە تۆمەتى بردنى کۆچبەران بۆ بەریتانیا دەستگیر بکەن کە زۆرینەیان کورد بون و بڕیاریشە ئەمڕۆ ئەو کەسانە روبەڕوى دادگا بکرێنەوە.

تۆڕى هەواڵى بی بی سی بڵاویکردوەتەوە؛ شەش کەس بە تۆمەتى بەقاچاغبردنى هاوڵاتیان لە فەرەنسا و بەلجیکا و هۆڵەنداوە بۆ بەریتانیا دەستگیرکراون.

ئاماژە بۆ ئەوەکراوە کە ئەو کەسانە زۆرینەى کۆچبەرە کوردەکانیان بەرەو بەریتانیا و بەشێوەیەکى قاچاغبردوە و بۆ هەر کۆچبەرێکیش بڕى  پێنج بۆ (10) هەزار پاوەندیان لێوەرگرتون و لەڕێى ئۆتۆمبێلى بارهەڵگرەوە کۆچبەرەکانیان گواستوەتەوە.

دەسەڵاتدارانى بەریتانیا لەوبارەیەوە ئاماژەیان بۆ ئەوەکردوە کە پڕۆسەى دەستگیرکردنى ئەو قاچاغچیانە دواى لێکۆڵینەوەیەکى ورد لە بابەتەکە بە بەشدارى ئاژانسەکانى هەواڵگرى فەرەنسا و بەلجیکا و هۆڵەندا و بەریتانیا ئەنجامدراون بێ ئەوەى هیچ زانیارییەکى دیکە لەبارەى ئەو قاچاغچیانەوە بڵاوبکەنەوە.

1347 جار خوێندراوەتەوە