لە کەمپەسی زانکۆیەکى روسیا هێرشێکى چەکدارى ئەنجامدرا کە ژمارەیەک کوژراو بریندارى لێکەوتەوە.

ئەمڕۆ بەیانى، له‌ كه‌مپه‌سی زانكۆی پێرم لە روسیا، هێرشێكی چه‌كداریی ئه‌نجام درا و بەپێى راگەیەنراوى کۆمیسیۆنى لێکۆڵینەوەى روسیا، ژمارەى کوژراوەکان تائێستا گەیشتوە بە هەشت کەس و شەش کەسیى دیکەش برینداربوون.

بەپێى گرتە ڤیدیۆییەکان کە لە میدیا ناوخۆییەکانى روسیادا بڵاوکراوەتەوە، چەکدارەکە دەچێنە ناو نهۆمى یەکێک لە بیناى زانکۆکە و خەڵکیش بۆ خۆدەربازکردن لە نهۆمى دووەمەوە خۆیان فڕێدەدەنە خوارەوە.

لە راگەیەنراوەکەى کۆمیسیۆن لێکۆڵینەوەى رویسا ئەوەش باسکراوە،  تەقەکەرەکە لەلایەن هێزە ئەمنییەکانەوە بە بریندارى دەستگیرکراوە، چونکە روبەڕوى پۆلیسیش بوەتەوە و دواتر لەلایەن پۆلیسەوە پێکراوە.