بکوژی ئەو هاوڵاتییەی دوێنێ لە سلێمانی تیرۆرکرا دەستگیرکرا

KNN : Kurdish News Network
01:13 - 18/09/2021
کوردستان

بەڕێوەبەرایەتی ئاسایشی سلێمانی راگەیەنراوێکی بڵاوکردەوە و تێیدا هاتووە، "تاوانباری دوو کردەوەی تیرۆرکردن و بریندارکردنی دوو کەس لە رۆژی (16 و 17)ی ئەم مانگە دەستگیرکران".

 

دەقی راگەیەنراوەکە:

  راگە‌یەندراوێك لە‌ژووری ئۆپە‌راسیۆنێكی ھاوبە‌شە‌وە‌ لە پارێزگای سلێمانی

لەسەر راسپاردەی بە‌ڕێز قوباد تاڵە‌بانی جێگری سەرۆکی ئەنجومەنی وەزیران،

ژوورێکی ئۆپەراسیۆنی هاوبەش پێکهێنرا لەدەزگای ئاسایشی هەرێم و ئاژانسى پاراستن و زانيارى - زانيارى و بە‌ڕێوبە‌رایە‌تی ئاسایشی پاريزگاى سلێمانی و بە‌ڕێوبە‌رایە‌تی گشتى دژه تيرور و بەڕێوەبەرایەتی پۆلیسی سلێمانی، بەمەبەستی لێكۆڵینە‌وە‌ و گەڕان بەدوای تۆمەتبارانی دوو کردەوەکەی دوو رۆژی رابردوو. پاش چڕ كردنە‌وە‌ی ھە‌وڵە‌كان، توانرا لەماوەی کەمتر له ٢٤ كاتژميردا پیلانە‌كە‌ ئاشكرا بكرێت و تاوانباری سە‌رە‌كی ئەو دوو کردەوەیە دەستگیر بکرێت دوو کردەوەکەش ،
_یەكە‌ميان رۆژی ۱٦ی ئەیلول روویدا و تێیدا كە‌سێك بریندار بوو .
_دووە‌میان رۆژی ۱۷ی ئەیلول روویدا و تێیدا كە‌سێك تیرۆر كرا.
تۆمەتبارە‌كە‌ش راپێچی دادگا کرا تاوە‌كو سزای یاسایی خۆی وەربگرێت.
لێرە‌وە‌ بەهەموو لایەکی رادەگەیەنین کەسلێمانی شاری ئارامییە بۆ هەمووان بێ جیاوازی و ئاسایش و ئارامی شار وھاوڵاتییانیش پارێزراوە.
-دەزگای ئاسایشی هەرێم و ئاژانسى پاراستن و زانيارى - زانيارى.
-بە‌ڕێوبە‌رایە‌تی ئاسایشی پاريزگاى سلێمانی.
-بە‌ڕێوبە‌رایە‌تی گشتى دژه تيرور.
-بەڕێوەبەرایەتی پۆلیسی سلێمانی.
١٨ی ئە‌یلولی ٢٠٢١

وێنەی تۆمەتبارەکە؛


1861 جار خوێندراوەتەوە