کار بۆ گەڕاندنەوەی پارە بەتاڵانبراوەکانی عێراق دەکرێت

KNN : Kurdish News Network
03:23 - 14/09/2021
عێراق

سبەی چوارشەممە، کۆنگرەیەکی نێودەوڵەتیی لە بەغدا پایتەختی عێراق بەڕێوەدەچێت بە ئامانجی گێرانەوەی ئەو پارانەی کە بە بەتاڵان براونەتە دەرەوە.

 

 
دەستەی دەستپاکی لە عێراق رایگەیاند، کۆنگرەکە بەچاودێریی مستەفا کازمی سەرۆک وەزیران و  بەشداریی ئەمینداری گشتیی کۆمکاری عەرەبی و ژمارەیەک لە وەزیرانی دادیی وڵاتان، یاساناسان و دەستەکانی بنبڕکردنی گەندەڵیی بەڕێوەدەچێت و  ماوەی دوو رۆژ دەخایەنێت.

 

ئاماژە بەوەشکراوە، " هەوڵدەدرێت رێگا چارەیەکی گونجاو بە ئامانجی گێرانەوەی ئەو پارانەی کە بە بەتاڵان براونەتە دەرەوە، بدۆرزێتەوە".

 

پێشتر ئەندامی ئیئتلافی رێککەوتننامەی نەتەوە یەکگرتووەکان بۆ بنبڕکردنی گەندەڵی و سەرۆکی تۆڕی نەھرەین بۆ پاڵپشتیکردن لە دەستپاکی و شەفافییەت راگەیاندبوو، ئامانج لە بەستنی کۆنگرەکە، ھاریکاریی عەرەبی و چڕکردنەوەی ھەوڵەکانی کۆمکاری عەرەبییە بە ئامانجی بنبڕکردنی گەندەڵی و گێرانەوەی پارە بە بەتاڵانبراوەکانی عێراق.

 

عێراق دوای رووخاندنی رژێمی پێشوو لە ساڵی (2003)دا، بەھۆی گەندەڵی و ئەو پارانەیش کە بەتاڵان براونەتەوە دەرەوە، زیانی زۆری کردووە.

287 جار خوێندراوەتەوە