سەرجەم هێڵەکانى ئینتەرنێت لە هەرێمى کوردستان رادەگیرێن

KNN : Kurdish News Network
10:26 - 13/07/2021
کوردستان

وەزارەتی گواستنەوە و گەیاندنى هەرێم رایدەگەیەنێت؛ بۆ رێگری كردن لە شێوازەكانی (قۆپیە) كردن لە ئەزموونەكانی ئەمساڵ بەتایبەت قۆناغی (12)ی ئامادەیی، خزمەتگوزارییەکانى ئینتەرنێت لەکاتى ئەنجامدانى تاقیکردنەوەکاندا رادەگیرێن.

بەرێوەبەرایەتی راگەیاندن و پەیوەندیەكانی وەزارەتی گواستنەوە و گەیاندنى هەرێمى کوردستان رایگەیاند: لە دیوانى وەزارەتى گواستنەوە بە ئامادەبونى ئانۆ جەوهەر وەزیرى گواستنەوە و کاروان رەزا بەرێوەبەری گشتی پۆستە و گەیاندن و نوێنەرانی سەرجەم كۆمپانیاكانی بواری خزمەتگوزاری گەیاندن، کۆبونەوەیەک ئەنجامدرا.

دەشڵێت: کۆبونەوەکە بۆ راگرتنى هێڵەکانى ئینتەرنێت بوو، ئەوەش بە ئامانجى رێگریکردن لە دیاردەکان و شێوازى قۆپیەکردن لە ئەزمونەکانى ئەمساڵ بەتایبەت قۆناغى (12)ى ئامادەیى کە بڕیارە لە (25/7/2021) بەڕێوەبچێت.

جەختیش دەکاتەوە، بڕیاردرا لە کاتى تاقیکردنەوەکاندا سەرجەم خزمەتگوزارییەکانى ئینتەرنێت لەكاتی دیاریكراوی رۆژانە تا پڕۆسەی تاقی كردنەوەكان، رابگیرێن.

11800 جار خوێندراوەتەوە