سەرۆک وەزیرانى عێراق رۆژنامەگەرى عێراقى بە کۆڵەکەى سەرەکى داکۆکیکردن لە بەرژەوەندییەکانى خەڵک وەسف دەکات و دەڵێت لەعێراقى نوێدا ئەرکى رۆژنامەگەرى گرنگتر بووە.

مستەفا کازمى سەرۆک وەزیرانى عێراق لە پەیامێکدا لە یادى (152) ساڵەى رۆژنامەگەرى عێراقیدا وێراى پیرۆزبایى لە رۆژنامەنوسان و خێزانى رۆژنامەنوسە شەهیدەکان رایگەیاندوە، ڕۆژنامەگەری عێراقی کۆڵەکەیەکی سەرەکی بەرگری لە بەرژەوەندییەکانی خەڵک بووە، لەسەردەمى دیکاتتۆریشدا و بەردەوام بووە لەپاڵپشتی ئاڕاستە نەتەوەییەکان لە شەڕی دژی زوڵم و زۆرداریدا.

ئاماژەی بۆ ئەوەشکردوە، لەدوای لەدایکبوونی عێراقی نوێوە ئەرکەکەی وردتر و گرنگتر بووە، بوەتە چاوى خەڵک بۆ گەیشتن بەراستییەکان و مینبەرێک بۆ بیروڕاى ئازاد.