واشنتۆن پەیامێک ئاڕاستەی بەغدا دەکات

KNN : Kurdish News Network
11:43 - 03/06/2021
عێراق

دوای بڵاوکردنەوەی هێزەکانی حەشدی شەعبی لە ناوچەی سەوز، واشنتۆن پەیامێک ئاڕاستەی بەغدا دەکات.

 

ئەمڕۆ پێنجشەممە، باڵیۆزخانەی ئەمەریکا لە بەغدا پەیامێکی ئاڕاستەی حکومەتی عێراق کرد و نیگەرانی خۆی دەربڕی لەسەر بڵاوکردنەوەی هێزەکانی حەشدی شەعبی لە ناوچەی سەوز و رایگەیاندووە، کە مامەڵە لەگەڵ ئەو دۆخەدا ناکەن.

 

لە پەیامەکەدا ئاماژە بەوەشکراوە، ئەمەریکا زەنگی ئاگادارکردنەوە بۆ عێراق لێدەدات لە کۆنتڕۆڵکردنی ناوچەی سەوز، کە ئەگەر حکومەتی عێراق چارەسەری ئەو دۆخە نەکەن ئەوا ئەمەریکا هەڵوێستی دەبێت.

 

بەپێی زانیارییەکان تا ئێستا حکومەتی عێراق وەڵامی ئەو پەیامەی ئەمەریکای نەداوەتەوە.

 

دوای دەستگیرکردنی فەرماندەیەکی، هەفتەی رابردوو جوڵەى چەکدارى و ئەمنى بەغداى گرتەوە و چەکدارانى حەشدى شەعبى دەروازەى ناوچەى سەوزیان کۆنتڕۆڵکرد و هۆشداریاندا لە ئەگەرى ئازاد نەکردنى فەرماندەکەیان.

1287 جار خوێندراوەتەوە