پۆلیسى راپەڕین رایدەگەیەنێت؛ سلێمانى هەڵشۆى لە زیندانەو ئەو دەنگۆیانەشى باس لە هەڵاتنى دەکەن ناراستە.

لە رونکردنەوەیەکدا، بەشى راگەیەاندنى پۆلیسى راپەڕین رایگەیاند: هەندێک لە تۆڕە کۆمەڵایەتییەکان بۆ مەرامی تایبەت و  بەدەستهێنانی لایک و کۆمێنت بڵاویان کردۆتەوە کە گوایە سلێمان هەڵشۆیی لە زیندان رایکردووە، بۆ ئەو مەبەستە وەکو بەڕێوەبەرایەتی پۆلیسی راپەڕین رایدەگەیەنین کە سەرلەبەری ئەم جۆرە هەواڵانە دوورن لە راستیەوە.

دەشڵێت: سلێمان هەڵشۆیی بەبڕیاری دادوەر بەپێی ماددەی (456) لە یاسایی سزادانی عێراقی راگیراوە و لە ئێستاشدا لە گرتن و گواستنەوەی ڕاپەڕینە و تەندروستی زۆر باشە، لێکۆڵینەوەش لەگەڵیدا بەردەوامە.

جەختیش دەکاتەوە، لەلایەن بەشی یاسایی بەڕێوەبەرایەتیەکەیانەوە سکاڵای یاسایی تۆمار دەکەن لەدژی خاوەنی ئەو پەیج و ئەکاونتانەی کە دەنگۆ و هەواڵی ناڕاست بڵاو دەکەنەوە بەتایبەت بۆ مەرامی تایبەتی خۆیان.

باسى لەوەشکردووە،  ئەو جۆرە هەواڵە نادروستانە کاریگەری نەرێنی دەبێت لەسەر بارودۆخی دەرونی هاوڵاتیان و بەتایبەت ئەو کەسانەی کە مامەڵەیان لەگەڵ سلێمان هەڵشۆیی کردووە و سکاڵایان تۆمار کردووە.