وەزارەتى بازرگانى و پیشەسازى حکومەتى هەرێم ئاشکراى دەکات لەمانگى رەمەزاندا دەست بەسەر زیاتر لە (34) تۆن کەلوپەلى ماوە بەسەرچوودا گیراوە و زیاتر لە (30) کۆگا و دوکان و شوێنى بازرگانیش داخراون.

ساڵح هەرکى، بەڕێوەبەرى راگەیاندنى وەزارەتى بازرگانى و پیشەسازى حکومەتى هەرێم بە دیجیتاڵ میدیاى (KNN) ى راگەیاند، لەماوەى مانگى رەمەزاند تیمەکانى بەڕێوەبەرایەتى چاودێرى بازرگانى لە پارێزگاکانى هەرێم و ئیدارەى گەرمیان زیاتر لە نۆ هەزار سەردانیان ئەنجامداوە و توانیوایانە (197) سەرپێچى جۆرۆاو جۆر دیارى بکەن ودەست بەسەر (34.327) تۆن خۆراک و کەلوپەلى ماوەبەسەرچوودا بگرن و (33) کۆگاو دوکان و شوێنى بازرگانیش دابخەن.

لەبەشێکى دیکەى لێدوانەکەیدا، بەرێوەبەرى راگەیاندنى  وەزارەتى بازرگانى وپیشەسازى حکومەتى هەرێم  ئاشکراى کرد، بەبڕى زیاتر لە (16) ملیۆن دینار سزاى ئەو کەسانە دراوە کەسەرپێچیان کردوە.