لەسەر بەجینۆساید ناساندنى کۆمەڵکوژى ئەرمەنیەکان تورکیا باڵیۆزى ئەمەریکا بانگهێشت دەکات

KNN : Kurdish News Network
03:35 - 25/04/2021
جیهان

بەجینۆساید ناساندنى کۆمەڵکوژى ئەرمەنیەکان لەلایەن جۆیابدنى سەرۆکى ئەمەریکاوە گرژى زیاتر دەخاتە پەیوەندییەکانى نێوان ئەمەریکا و تورکیا، لەدواین پێشهاتیشدا تورکیا باڵیۆزى ئەمەریکا لە ئەنقەرە بانگهێشت دەکات.

ئاژانسى هەواڵى ئەنادۆڵ بڵاویکردەوە، وەزارەتى دەرەوەى تورکیا دەیڤد ساترفێڵد باڵیۆزى ئەمەریکاى لە ئەنقەرە بانگهێشت کردوە و سادات ئۆنال جێگرى وەزیرى دەرەوەى تورکیا لەگەڵیدا کۆبوەتەوە و ئاگادارى کردوەتەوە کە ئەنقەرە بەیاننامەکەى جۆیابدن لەبارەی بەجینۆساید ناساندنى کۆمەڵکوژى ئەرمەنییەکان ئیدانە دەکات و بەتوندى رەتى دەکاتەوە.

جێگرى وەزیرى دەرەوەى تورکیا رەخنەى توندى لە بەیاننامەکەى جۆبایدن گرتوە و رایگەیاندوە، بەیاننامەکەى سەرۆکى ئەمەریکا خاڵیە لە بنەماى مێژوویى و یاسایى.

ئەوەش دواى ئەوە دێت کە رۆژى شەممە جۆبایدن سەرۆکى ئەمەریکا لە بەیاننامەیەکدا لەیادى (106) هەمین ساڵیادى کۆمەڵکوژى ئەرمەنیەکاندا، ئەو رووداوەى وەک جینۆساید ناساند.

268 جار خوێندراوەتەوە