کەشناسی هەرێم پێشبینی دەکات تۆز و خۆڵ بەشێوەیەکى کەم لە ئاسمانى هەرێمدا بەردەوامی هەبێت و لە دوو رۆژى داهاتوشدا لە پارێزگاکانى هەرێم بارانبارین دەستپێبکاتەوە.

بەڕێوەبەرایەتی گشتی کەشناسی و بومەلەرزەزانی هەرێمی کوردستان بڵاویکردەوە، پێشبینی دەکرێت سبەینێ شەممە ئاسمان لە هەندێک لە ناوچەکان پەڵە هەور و لە هەندێک ناوچەى دیکەش تۆز و خۆڵێکى کەم بەردەوامى هەبێت.

راشیگەیاندوە، لە رۆژى یەکشەممەوە کەش و هەوا گۆڕانکارى بەسەردادێت و لە پارێزگاکانى هەرێم تاوە باران دەستپێدەکات.

سەبارەت بە پلەکانی گەرما کەشناسی هەرێمی کوردستان رایگەیاندوە، بە بەراورد بە ئەمڕۆ و سبەى، لە رۆژى یەکشەممەدا پلەکانى گەرما کەمێک دادەبەزێت.