سەرۆک کۆماری عێراق بودجەی پەسەند کرد

KNN : Kurdish News Network
01:58 - 08/04/2021
عێراق

د. بەرهەم ساڵح، سەرۆک کۆماری عێراق یاسای بودجەی عێراقی بۆ ساڵی (2021) پەسەندکرد.

 

 
سەرۆکایەتی کۆماری عێراق بڵاویکردەوە، ئەمڕۆ پێنجشەممە د. بەرهەم ساڵح واژۆی لەسەر یاسای بودجەی فیدڕاڵی بۆ ساڵی 2021 کرد و جەختیکردەوە لەوەی پەسەندکردنی یاساکە بەئامانجی گەرەنتیکردنی پێداویستییە سەرەکییەکانی گەل، دابینکردنی موچە فەرمانبەران، خانەنشینان و خەرجییەکانی حکومەت بوە، بەجۆرێک بتوانرێت دادپەروەری کۆمەڵایەتی بۆ هەمو ناوچەکانی عێراق و پێکهاتەکان دابین بکات.

 

 

سەرۆک کۆماری عێراق رایگەیاند، پەسەندکردنی بودجە هەنگاوێکی گرنگە لەسەر پێویستی ئەنجامدانی چاکسازی دارایی و ئابوری و پاڵپشتیکردنی کەرتە ئابورییە جۆراوجۆرەکان.

 

 

وتیشی، پێویستە جێبەجێکردنی بەندەکانی یاسای بودجە لە بەرژەوەندی هاوڵاتیان بێت و پشتیوانی لە چاکسازی ئابوری و بەدیهێنانی دادپەروەری کۆمەڵایەتی بۆ هەموو ناوچەکانی عێراق بەشەکانی کۆمەڵگا بکات.

278 جار خوێندراوەتەوە