چەند بڕیارێکى نوێ لە لیژنەى باڵاى روبەڕوبونەوەى کۆرۆنا لە هەرێم

KNN : Kurdish News Network
03:24 - 30/03/2021
کوردستان

لیژنەى باڵاى روبەڕوبونەوەى کۆرۆنا لە هەرێم چەند بڕیارێکى نوێى دەرکرد و رایگەیاند، بە فەرمى رۆژانی پێنجشەممە لە دام و دەزگاکان دەکرێتە پشوو، وتیشى؛ رێکارەکان توند دەکرێنەوە و زانکۆ وپەیمانگە و قوتابخانەکان بە کەرتی گشتی و تایبەتەوە تا رۆژى (10/4/2021) دادەخرێن.

د.سامان بەرزنجى وەزیری تەندروستی هەرێم لە کۆنگرەیەکى رۆژنامەوانیدا دواى کۆتایی هاتنى کۆبونەوەى لیژنەى باڵاى روبەڕوبونەوەى کۆرۆنا لە هەێم لەبارەى رێکارە نوێیەکان رایگەیاند: کافتریا و رێستۆرانتەکان لە کاتژمێر (9)ى شەو تا (6)ى بەیانى دادەخرێن.

ئاماژەى بەوەشکرد، ئێستا هەرێمى کوردستان لە قۆناغی تەشەنەکردن و بڵاوبونەوەی کۆرۆنادایە و ژمارەى توشبوان بە خێرایى بەرزدەبنەوە.

لەبارەى رێکارەکان بۆ قۆناغی ئێستا رایگەیاند، لیژنەى باڵاى روبەڕوبونەوەى کۆرۆنا بڕیاریداوە بە داخستنی زانکۆ و پەیمانگە و قوتابخانەکان بە کەرتی گشتی و تایبەتەوە تا رۆژی (10/4/2021).

وتیشى، تەواوى هۆڵەکانى بۆنە و هۆڵە وەرزشیەکان دادەخرێن و هەموو کۆڕ و کۆبونەوە و ڤیستیڤاڵەکان رادەگیرێن و هیچ ئاهەنگ و کۆبونەوەیەکی کۆمەڵایەتی ئەنجام نادرێت.

وەزیرى تەندروستى هەرێم راشیگەیاند، یانە و کافتریا و خزمەتگوزارییەکانی پێشکەشکردنی نێرگەلە لە کاتژمێر (9)ى شەو تا کاتژمێر (6)ى بەیانى دادەخرێن.

د.سامان بەرزنجى وتیشى؛ سەپاندنی سزا بۆ خاوەنی ئەو شوێنانە دیایکراوە کە دەبێتەهۆی نەبەستنی ماسک و ئەنجامدانى کۆڕ و کۆبونەوە.

جەختیشیکردەوە کە بەردەوامی دەدەن بە بەپشکنینی سەرجەم ئەو کەسانەی لە رێگەی مەرزەکان و فڕۆکەخانەکانەوە دەگەڕێنەوە ناو هەرێمی کوردستان.

لەبارەى بڕیارەکانى لیژنەى باڵاى روبەڕوبونەوەى کۆرۆنا لە هەرێم، وەزیرى تەندروستى  رایگەیاند، بە فەرمى رۆژانی پێنجشەممە لە دام و دەزگاکان دەکرێتە پشوو.

4956 جار خوێندراوەتەوە