وێنە... تەرمى دکتۆر کەمال مەزهەر لە سلێمانى بە خاک سپێردرا

KNN : Kurdish News Network
04:21 - 24/03/2021
کوردستان

 

پاش ئەوەى شەوى رابردوو تەرمى پرۆفیسۆر دکتۆر کەمال مەزهەر لە ئەڵمانیاوە گەڕێنرایەوە بۆهەرێمى کوردستان، پاش نیوەرۆى ئەمرۆ تەرمەکەى گەیشتەوە شارى سلێمانى و لەلایەن پارێزگار و ژمارەیەک بەرپرسانى باڵاى حزبى و حکومیەوە پێشوازى لێکرا، دواى ئەوەى نوێژى مردوو لەسەر تەرمەکەى کرا  لە رێورەسمێکدا لە گۆڕستانى گردى سەیوان بەخاکسپێردرا.

دکتۆر کەمال مەزهەر رۆژى (16-3-2021) لە تەمەنى (84) ساڵیدا لە ئەڵمانیا کۆچى دوایى کرد.

کورتەیەک لە ژیانی پرۆفیسۆر (د. کەمال مەزهەر):

کەمال مەزھەر ئەحمەد:
لە ساڵی (1937) لە ناحیەی ئاغجەلەر لەدایکبوە
 لە ساڵی (1959) لە زانکۆی بەغدا کارناسیی مێژوی وەرگرتوە و چوەتە یەکێتیی سۆڤیەتی ئەوکاتە
لە ساڵی (1969) لە ئەنستیوتی رۆژھەڵاتناسیی ئەکادیمیای زانستەکانی سۆڤیەت دکتۆرای زانستەکانی وەرگرتوە
لە ساڵی (1981) پلەی مامۆستای لە مێژو وەرگرتوە
لە ساڵانی (1971) تا (1975) سکرتێر و ھاوکاری سەرۆک بوە لە پرسەکانی زانستی لە فەرھەنگستانی کوردی بەغدا
مامۆستای زانکۆ بوە
 ئەندامی یەکێتیی نوسەرانی کورد و ئەنستیوتی کورد بوە لە پاریس
رۆژی (16/3/2021) لە تەمەنی (84) ساڵیدا کۆچی دوایی کرد


هەندێک لە بەرهەمەکانی د.کەمال مەزهەر:

* ئافرەت لە مێژوودا: کورتە باسێکی مێژوویی و کۆمەڵایەتی.
* تێگەیشتنی راستی؛ شوێنی لە رۆژنامەنووسی کوردیدا.
*  چینی کرێکارانی عێراق.
* چەند لاپەڕەیەک لە مێژووی گەلی کورد -بەرگی 1
* چەند لاپەڕەیەک لە مێژووی گەلی کورد -بەرگی 2
* خەباتی رزگاریخوازی کورد و ئازەر لە ئێران
* رێنیسانس.
* میر.
* زاراوەی کارگێڕی، (عەرەبی کوردی).
* كوردستان لەساڵەكانی شەڕی یەكەمی جیهاندا.

سلێمانى – بڕیار نامیق

567 جار خوێندراوەتەوە