پێش چەند رۆژێک لە هەڵبژاردنى سەرۆکایەتى یانەکە و بەتۆمەتى دزیکردن و و سپیکردنەوەى پارە و ناوزڕاندنى ئەستێرەکانى یانەکە، پۆلیسى ئیسپانیا بارتۆمیۆى سەرۆکى پێشو و بەشێک لە بەڕێوەبەرانى یانەى بەرشەلۆنەى دەستگیرکرد.

کەمێک پێش ئێستا، پۆلیسى ئیسپانیا، لە چوارچێوەى ئۆپەراسیۆنى (بارشە گەیت) و بەتۆمەتى سپیکردنەوەى پارە و گەندەڵى و دزیکرن و ناوزڕاندنى ئەفسانەکانى بەرشەلۆنە، لەماڵەکەى خۆیدا بارتۆمیۆى سەرۆکى پێشوى بەرشەلۆنەى دەستبەسەرکرد.

دواتریش پۆلیس هەڵیکوتایە سەر بارەگاى یانەکە و چەند بەرپرس و بەڕێوەبەرێکى دیکەى بە هەمان تۆمەت دەستگیرکردن.

پڕۆسەى لێپرسینەوە لە باتۆمیۆ مانگى تشرینى یەکەمى ساڵى رابردوو دەستى پێکرد و بەوهۆیەوە بارتۆمیۆ ناچار بە دەستلەکارکێشانەوەکرا، لە ئێستاشدا ئیدارەیەکى کاتى یانەکە بەڕێوە دەبات و یەکشەممەى داهاتوش هەڵبژارنى سەرۆکایەتى یانەکە بەڕێوە دەچێت و خوان لاپۆرتاش بەهێزترین پاڵێوراوە.