رێبەرى باڵاى شۆرشى ئیسلامى ئێران بەرزرکردنەوەى رێژەى بەرهەمهێنانى یۆرانیۆم لەلایەن وڵاتەکەیەوە ئاشکرا دەکات، جەختیش دەکاتەوە کە نایانەوێت چەکى ئەتۆمى دروست بکەن.

لەمیانى کۆبونەوەیەکیدا لەگەڵ سەرۆک و ئەندامانى ئەنجومەنى شارەزیانى ئێران عەلى خامنەئى رێبەرى باڵاى شۆرشى ئیسلامى ئێران رایگەیاندوە، ئێران هەوڵى بەدەستهێنانى چەکى ئەتۆمى نادات، بەڵام ئەگەر  بمانەوێت چەکى ئەتۆمى بەدەست بهێنین، ئەوا هیچ کەس و لایەنێک ناتوانێت رێگریمان لێ بکات، ئەوەى رێگریمان لێدەکات لە دروستکردنى چەکى کۆکوژ بریتیە لە پرنسیپەکانمان.

راشیگەیاند، رێژەى پیتاندنى یۆرانیۆم لە(20%) دا جێگیر نابێت، پێدەچێت بەپێى پێویستى وڵات رێژەکە بەرزببێتەوە و بگاتە (60%).