وەزیری دارایی بڕیاری خەرجکردنی (19) ملیار و (686) ملیۆن و (472) هەزار دیناری بۆ قەرزی کرێی خوێندنی سێ ساڵی کەسوکاری شەهیدان و ئەنفالکراوان و زیندانیانی سیاسی دەکرد.

وەزارەتی دارایی و ئابوری رایگەیاند: پاڵپشت بە یاسای ژمارە(9)ی ساڵی (2007)ی یاسای ماف و ئیمتیازاتی كەسوكاری شەهیدان و ئەنفالكراوان، ئەمڕۆ سێشەممە (9/2/2021) ئاوات جەناب نوری وەزیری دارایی و ئابوری رەزامەندی داوە لەسەر خەرجكردنی بڕی (19) ملیار و (686) ملیۆن و (472) هەزار دینار بۆ مەبەستی دانەوەی قەرزی كرێی خوێندنی كوڕ و كچی شەهید و ئەنفالكراوان و زیندانیانی سیاسی، بە شێوەی نەقدی.

ئەو بڕیارە کرێی ساڵەكانی (2016-2017) و (2017-2018) و (2018-2019) دەگرێتەوە و گوژمەی خەرجكراو لەسەر بودجەی بەڕێوبەرایەتییە گشتییەكانی سەر بە وەزارەتی شەهید و ئەنفالكراوان دەبێت، بە مەرجێك كارنەكاتە سەر موچەی فەرمانبەران.