"پرۆژەیاساى بودجە پێچەوانەى پرۆژەى چاکسازى وەرەقەى سپیە"

KNN : Kurdish News Network
08:22 - 14/01/2021
عێراق

لیژنەى پلاندانانى ئەنجومەنى نوێنەرانى عێراق ئاشکرا دەکات کە پرۆژە یاسى بودجەى ساڵى (2021) پێچەوانەى پرۆژە چاکسازیەکەى سەرۆک وەزیران و یاساى کارگێڕى داراییە.

حازم خالیدى سەرۆکى لیژنەى پلاندادنان لە ئەنجومەنى نوێنەرانى عیراق رایگەیاند، پرۆژە یاساى بودجەى ساڵى (2021) پێچەوانەى پرۆژەى چاکسازى وەرەقەى سپى و هەروەها پێچەوانەى یاساى کارگێرى داراییە.

رونیشکردەوە، بەپێى یاساى کارگێرى دارایى پێویستە رێژەى کورتهێنان لە (3%) زیاتر نەبێت، بەڵام لە پرۆژە یاساى بودجەدا کورتهێنان گەیشتوەتە (60%).

سەرۆکى لیژنەى پلاندانان لە ئەنجومەنى نوێنەران عێراق راشیگەیاندوە، پرۆژە یاساى بودجە پرۆژە یاسایەکى ناواقیعیە و کۆمەڵێک پێشێلکارى یاسایى تێدایە  کە پێویستە بە زووترین کات چارسەربکرێن.

88 جار خوێندراوەتەوە