ژمارەیەك كەسایەتی و كاسبكاری ناسراوی بازاڕی سلێمانی سەردانی رێكخەری گشتی دەكەن

ئەمڕۆ شەممە (٢٦ی ٩ی ٢٠٢٦)، دانا ئەحمەد مەجید، رێكخەری گشتی بزوتنەوەی گۆڕان لە مەكۆی سەرەكی بە ئامادەبونی شاخەوان رەئوف بەگ ئەندامی ئەنجومەنی سیاسی، پێشوازی كرد لە ژمارەیەك كەسایەتی و كاسبكاری ناسراوی بازاڕی سلێمانی كە بەمەبەستی هەڵبژاردنی رێكخەری گشتی سەردانیان كرد و هیوای سەركەوتنیان لە ئەركەكەی بۆ خواست.
لە دیدارێكدا، وێڕای پیرۆزبایی، ئەو كەسیاسەتی و كاسبكارانە بەرچاوڕونیان دا لەبارەی دۆخی بازاڕ و ئێستای كاسبكاران و ئەو گرفتانەی بەهۆی قەیرانی دارایی و خراپی دۆخی بازاڕ و ئاستەنگەكانەوە روبەڕویان بوەتەوە.

لای خۆیەوە رێكخەری گشتی، سوپاسی میوانانی كرد و پشتیوانی گۆڕانی بۆ دەربڕین و هانیدان بۆ كاركردن بۆ بەرەوپێشبردنی بازاڕ و جەختیشیكردەوە كە بزوتنەوەی گۆڕان دژی هەر قۆرخكاریەكە و پاڵپشتی رەخساندنی دۆخێكی ئارام و سەقامگیرە بۆ ئەوەی خزمەت بە كاسبكاران و تەواوی هاوڵاتیانیش بكات.