پۆلیسى سلێمانى رایدەگەیەنێت؛تۆمەتبارى کوشتنى عەقیدەکەى سلێمانى کوڕەکەیەتى و دانیناوە بە تاوانەکەیدا.

بەشى راگەیاندن و پەیوەندییەکانى پۆلیسى سلێمانى رایگەیاند: دواى ئەوەی شەوی رابردو لەشاری سلێمانى ئەفسەرێکى خانەشین بەپلەی عەقید کوژرا، ئەمڕۆ (30/12/2020)، لەلایەن ھێزەکانی پۆلیسی پارێزگای سلێمانییەوە بکوژەکەی دەستگیركراو دانی بەتاوانەكەیدا نا.

ئاشکرایکردوە، تۆمەتباری روداوەكە كوڕی كوژراوەكەیە و ناوی (ك،ك،ئ)و لەدایکبوی (1991)ە. لەلێکۆڵینەوەسەرەتاییەکاندا تۆمەتبار دانی بەوەدا ناوە کە بەھۆی بونی کێشەی خێزانییەوە تاوانەکەی ئەنجامداوە.

پۆلیسى سلێمانى ئاماژەى بەوەشکردوە، لەکاتی دەستگیرکردنیدا دەستگیرا بەسەر ئۆتۆمبێل و چەکی تۆمەتبارەکەدا.

لەئێستادا تۆمەتبارەکە بەبڕیاری دادوەری لێکۆڵینەوە راگیراوەو لێکۆڵینەوەکان بەردەوامە.