عەلى حەمەساڵح: بەهۆى قاچاخچێتیەوە کەرتى کشتوکاڵ و ئاژەڵدارى بەرەو لەناوچون دەچێت

KNN : Kurdish News Network
12:32 - 22/11/2020
کوردستان

عەلى حەمەساڵح، ئەندامى پەرلەمانى کوردستان لەبارەى لەناوچوونى کەرتى کشتوکاڵ و ئاژەڵدارى ناوخۆ هۆشدارى دەدات، هاوکات ووردەکار هێنانى ئاژەڵ بەقاچاخ بۆهەرێم ئاشکرا دەکات.

 

عەلى حەمە ساڵح، لەبارەى هێنانى ئاژەڵ بەشێوەى قاچاخ لە تورکیا و سوریاوە بۆهەرێمى کوردستان رایگەیاندوە، بەدەر لەو رێگە پێدانانەى کە وەزارەتى کشتوکاڵ بۆهێنانى ئاژەڵ دەیکات، مانگا و مەڕ و بزن لە سوریاوە لەخاڵى سنورى وەلیدەوە دەهێنرێتە سحێلا، ئاژەڵى تورکیش لەناوچەى خوێرێزکاى سەر بە شێروان مەزن لەناوچەى مێرگەسورەوە دەهێنرێتە هەرێم، بۆ هەرئاژەڵێکى گەورە (100) هەزار دینار و بۆئاژەڵى بچوکیش (35) هەزاردینار وەردەگیرێت.

 

ئەو ئەندامەى پەرلەمانى کوردستان هۆشداریداوە لەبەردەوامبونى ئەو قاچاخچێتیە و رایگەیاندوە، ئەگەرهێنانى ئاژەڵ بەم شێوەیە بەردەوام بێت، ئەوا کەرتى کشتوکاڵ و ئاژەڵدارى بەرەو لەناوچون دەچێت.

285 جار خوێندراوەتەوە