حکومەتى کەنەدا بەنیازە لە ماوەى سێ ساڵى داهاتودا زیاتر لە یەک ملیۆن پەنابەر وەربگرێت.

مارکۆ میندیسینۆ، وەزیرى کۆچى کەنەدا لە کۆنگرەیەکى رۆژنامەوانیدا رایگەیاند، وڵاتەکەى بەنیازە لەساڵى (2021) تا (2023 ) زیاتر لەیەک ملیۆن و (200) هەزار پەنابەر وەربگرێت.

وەزیرى کۆچى کەنەدا راشیگەیاندوە، بەهۆى بڵاوبونەوەى ڤایرۆسى کۆرۆنا و داخستنى سنورەکان و فرۆکەخانەکان لەمساڵدا پێدەچێت تەنها (341) هەزارکۆچبەر وەک پەنابەر وەرگربن، بۆقەرەبوکردنەوەى کەمبونەوەى ژمارەى کۆچبەرانیش لەمساڵدا، حکومەتى کەنەدا بەنیازە مافى مانەوەى هەمیشەیى بداتە تەواوى ئەو بیانیانەى کە نیشتەجێى ئەو وڵاتەن.