بەپێى توێژینەوەیەکى تایبەت بە وڵاتانى رۆژهەڵاتى ناوەڕاست و باکورى ئەفەریقا دەریدەخات، عێراقییەکان لە پلەى یەکەمدا دێن لە تۆمارکردنى زۆرترین رێژەى خەمۆکییدا.

توێژینەوەیە کە لەلایەن ناوەندى (Arab Barometer) ئەنجامدراوە، کە تێیدا وڵاتانى رۆژهەڵاتى ناوەڕاست و باکورى ئەفەریقا وەک نمونە وەرگرتوە، بەپێى توێژینەوەکە دەردەکەوێت عێراقییەکان لە پلەى یەکەمى زۆرترین رێژەى توشبون بە خەمۆکیدا دێن بە رێژەى (43%).

لە بارەى هەستکردن لە دودڵى و راڕایى لە توێژینەوەکەدا ئەوە خراوەتەڕو کە عێراقییەکان پلەى سێهەمیان هەیە بە رێژەى (40%).

دواى عێراقییەکانیش تونس و فەلەستین دێن بە رێژەى (40% و (37%) و خەمۆکییان هەیە لە وڵاتانى عەرەبیدا و مەغریبیش لە پلەى کۆتایی تۆمارى خەمۆکیدایە لە وڵاتانى عەرەبیدا.

لەبارەى دودڵی هاوڵاتیانیشەوە لەو وڵاتانە، تونس بە پلەى یەکەم دێت بە رژەى (53%) و عێراق بە رێژەى (40%) و ئەردەن (42%) و کوەیتیش کەمترین هەستکردن بە دودڵى تێدایە بە رێژى (12%).