پەرلەمانی کوردستان بە ئامادەبوونی وەزیری کار و کاروباری کۆمەڵایەتی کۆدەبێتەوە

10:18 - 16/09/2020
کوردستان

بڕیارە ئەمڕۆ پەرلەمانی کوردستان دانیشتنی ژمارە شەشی ئاسایی خۆی ئەنجام بدات، بە ئامادەبوونی کوێستان محەمەد وەزیری کاروکاروباری کۆمەڵایەتی، راپۆرتی لێژنەی کاروباری کۆمەڵایەتی و داکۆکیکردن لە مافی مرۆڤ دەخرێتە روو.

 

لە دانیشتنەکەدا پلانی وەزارەتی کار و کاروباری کۆمەڵایەتی سەبارەت بەدۆخی چاکسازییەکان و چۆنیەتیی مامەڵەکردن لەناو چاکسازییەکان بۆ بەرەنگاربوونەوەی ڤایرۆسی کۆرۆنا نوێ، بەئامادەبوونی وەزیری کار و کاروباری کۆمەڵایەتیی حکوومەتی ھەرێمی کوردستان، دەخرێتەڕوو.

 

دوێنێ سێشەممە لە دانیشتنی پەرلەمانی کوردستان گفتوگۆ لەسەر چەند تەوەرێکی دیکە کرا و بە دەنگی ٧٠ پەرلەمانتار پێشنیازی یاسای ماف و ئەرکی نەخۆش پەسەند کرا و بەپێی ماددەکانی یاساکە ئەنجوومەنی وەزیران لیژنەیەکی ھەمیشەیی بۆ لێکوڵینەوەی ھەڵە پزیشکیەکان پێکدەھێنێت، بڕیارە دوای پەسەندکردنی ئەنجوومەنی وەزیران و وەزارەتی تەندروستی رێنمای بۆ جێبەجێکردنی یاساکە دەربکات،.

 

73 جار خوێندراوەتەوە