بە بڕیارى وەزیرى دارایى، لێخۆشبون بەڕێژەى (15%) لە قەرزى پێشینە و پێبژاردنى پێشینەى سندوقى نیشتەجێبون بۆ هاوڵاتیان دەرچو.

لە نوسراوێکدا، کە واژۆى ئاوات جەناب نورى، وەزیرى دارایى و ئابورى حکومەتى هەرێمى لەسەرە، بڕیاردرابە:

یەکەم: لێخۆشبون بەڕێژەى (15%) لە قەرزى پێشینە و پێبژاردنى پێشینەى سندوقى نیشتەجێکردن کە لە ئەستۆى هاوڵاتییانە بەمەرجێک هەمو قەرزە کەڵەکەبوەکان بەیەک گوژمە و تا رێکەوتى (1/11/2020) بگەڕێندرێتەوە.

دوەم: درێژکردنەوەى ماوەى سەرجەم قەرزەکانى هاتو لە بەپێى هەمان بڕیار، تا رێکەوتى (1/11/2020).

سێیەم: لێخۆشبون بەرێژەى (15%) لەو پێشنینانەى لە ئەستۆى هاوڵاتیان ماوە لەو ماوەیەى کە هاوڵاتیان بۆیان دیاریکراوە، ئەگەر بەیەک گوژمە بیداتەوە بەشێوەى نقد.