ئەنجوومەنی وەزیرانی لوبنان بڕیاریدا ئەو بەرپرسانەی بەندەری بەیروت
لە ماڵەکانیاندا دەستبەسەربکرێن و لێکۆڵینەوەیان لەگەڵدا بکرێت، کە لە ساڵی (2014)وە
بەرپرسن لە کۆگاکردنی نیتراتی ئەمۆنیۆم لە کۆگاکانی بەندەرەکەدا.
بڕیاریشیداوە بە پێکهێنانی لیژنەیەکی لێکۆڵینەوە، بۆ ئاشکراکردنی هۆکارەی
تەقینەوەکەی بەیرووت و ئامادەکردنی راپۆرتێک لەبارەی ئەنجامەکانی لێکۆڵینەوەکە لە
ماوەی پێنج رۆژدا.
میشێل عۆن، سەرۆکی لوبنان داوای کۆبوونەوەی بەپەلەی کابینەی حکومەت و
راگەیاندنی دوو هەفتە باری لەناکاوی کردووە.
هۆکاری تەقینەوەکان هێشتا روون نییە، بەڵام بەرپرسانی ئەو وڵاتە هۆکارەکەی
بۆ بوونی نزیکەی دوو هەزار و 750 تۆن نیتراتی ئەمۆنیۆم دەگێڕنەوە کە ماوەی شەش ساڵە
لە یەکێک لە کۆگاکانی ئەو بەندەرەدا دانرابوو.
728 جار خوێندراوەتەوە