جەژن لای منداڵ دنیایەكی جیاواز و خۆشییەكی تایبەتیان پێدەبەخشێت، بۆ پاراستنی منداڵانیش لەئەگەری توشبوون بە چەند كێشەیەكی تەندروستی لە جەژندا، پسپۆڕان چەند ئامۆژگاری و ڕێنماییەكیان داناوە و داوایان لە باوانی منداڵ كردووە پەیڕەوی بكەن بۆ ئەوەی منداڵەكانیان لە كێشە تەندروستییەكان پارێزراوبن.

 
دیارترین ڕێنماییەكان بریتین لە:

 
* یەكێكە لە بابەتە گرنگەكان تایبەتە بە جۆری خواردنی منداڵ، بەجۆرێك پێویستە سەوزە و میوە و شیرەمەنییەكانیان پێبدرێت، لەبەرامبەردا ڕێگرییان لێبكرێت لەوەی خواردنی خۆراكی چەور بە تایبەت خواردنە خێراكان بە بڕێكی زۆر بخۆن.

 

 

* دوورخستنەوەی نوقڵ و چكلێت و شیرینییەكان لەبەر دەستی منداڵ و ڕێگری كردن لە خواردنیان بە ڕێژەی زۆر، چونكە دەبێتە هۆی توشبوونیان بە سكچوون.

 

 

* ڕێگری كردن لە خواردن و خواردنەوەی ساردەمەنییەكان، چونكە ئەگەری توشبوون بە نەخۆشییەكانی هەڵامەت و ئەنفلۆنزا زیاد دەكات.

 

 

*دووركەوتنەوە بەكارهێنانی یاری ئاگرین و تەقەمەنییەكان، چونكە زیانی جەستەی و دەرونی بۆ منداڵ دەبێت.

 

 

* بەو پێیەی جەژن لە وەرزێكی گەرمادایە و تیشكی خۆر بەهێزە، باشترەو لەكاتی چونە دەرەوەی منداڵ دژە خۆری بۆ بەكاربهێنرێت، تا پێستی پارێزراوبێت.

 

 

*لە هەڵبژاردنی جلوبەرگدا، گرنگی بە ڕەنگی كراوە و جۆری قوماشی نەرم بدرێت، هەروەها پشتێنی چەرم و ڕەقی بۆ نەبەسترێت و جلی تەسكی لەبەر نەكرێت.

310 جار خوێندراوەتەوە