جیهان؛ زۆرینەى تووشبووان بەسەر کۆرۆنادا سەرکەوتوون

07:46 - 31/07/2020
جیهان

لە سەرانسەرى جيهان ژمارەى ئەو تووشبووانەى كە لە ڤايرۆسى كۆرۆناى نوێ (COVID-19)، پاش وەرگرتنى چارەسەریی چاكبوونەتەوە، ١١ مليۆنى تێپەڕاند.

 

تاوەكو ئێستا لەسەرانسەرى جيهان ١٧ مليۆن و ٥٧٠ هەزار و ٤٦ كەس تووشى ڤايرۆسی کۆرۆنای نوێ بوون و نزيكەى ٦٧٨ هەزار و ٥٠٥ تووشبووش گيانيان لەدەستداوە.

 بە گوێرەى دوايين زانيارییه‌كانى ماڵپەرى "Worldometer" سەبارەت بە ئامارەكانى تووشبوون بە ڤايرۆسى كۆرۆنا لە وڵات و هه‌رێمه‌كان، لە سەرانسەرى جيهان ١١ مليۆن و ١٥٥ تووشبووى كۆرۆنا بەسەر نەخۆشييەكەدا سەركەوتوون.

ریزبەندیى ئەو ١٠ وڵاتەى كە زۆرترين تووشبووی كۆرۆناى تێدا چاكبووەتەوە: له‌ ئەمريكا (دوو مليۆن و ٢٨٦ هەزار و ٤٩٢)، له‌ بەڕازيل (يەك مليۆن و ٨٢٤ هەزار و ٩٥)، له‌ هيندستان (يەك مليۆن و ٨١ هەزار و ٧٣٠)، له‌ رووسيا (٦٣٨ هەزار و ٤١٠)، له‌ شيللى (٣٢٦ هەزار و ٦٢٨)، له‌ باشورى ئەفريقا (٣٠٩ هەزار و ٦٠١)، له‌ پيرو (٢٨٣ هەزار و ٩١٥)، لە مەكسيك (٢٧٢ هەزار و ١٨٧)، لەئێران (٢٦٣ هەزار و ٥١٩) و لە پاكستان (٢٤٧ هەزار و ١٧٧) تووشبووى ڤايرۆسى كۆرۆناى نوێ چاكبوونەتەوە و نەخۆشخانەيان جێهێشتووە.

ڤایرۆسی كۆرۆنای نوێ، كه‌ له‌ چین سه‌ریهه‌ڵدا، دوای ئه‌وه‌ی به‌ ته‌واوی جیهاندا بڵاوبوویه‌وه‌، بووه‌ په‌تایه‌كی جیهانی. 


2833 جار خوێندراوەتەوە