عێراق..کۆرۆنا و دابەزینی نرخی نەوت رێژەی هەژاریان بەرزکردۆتەوە

09:23 - 02/07/2020
عێراق

وەزیری کاروباری کۆمەڵایەتی عێراق رایگەیاند، بەهۆی رێکارەکانی ڤایرۆسی کۆرۆنا و دابەزینی نرخی نەوتەوە رێژەی هەژاری لە وڵاتدا بەرزبوەتەوە.

 

عادل رکابی وەزیری کاروباری کۆمەڵایەتی لە لێدوانێکدا ڕایگەیاندوە، پێش بڵاوبونەوەی ڤایرۆسی کۆرۆنا و دابەزینی نرخی نەوت رێژەی هەژاری لە سەدا 22 بوو، بەڵام بەپێی ئامارەکان ئێستا بووە بە سەدا 34

 

وەزیری کاروباری کۆمەڵایەتی ئاماژەی بەوەشکردوە، وەزارەتەکەیان لەگەڵ چەندین لایەنی نیودەوڵەتی و ناوخۆی کاردەکات بۆ دابینکردنی ژیانی شایستە بۆ هەژاران و تا ئێستاش بەردەوامن لە دابەشکردنی مینحە بەسەر ئەوانەی بەهۆی رێکارەکانەوە زیانیان بەرکەوتوە.

 

عادل رکابی داواشیکرد پیویستە ئەنجومەنی وەزیران هەوڵی زیاتر بدات بۆ دابینکردنی پارە بۆ هەژاران، لە رێگەی تۆڕی چاودێری کۆمەڵایەتی و کەسانی بێ سەرپەرشتەوە، چونکە ئێستا رێژەیەکی زۆری هاوڵاتیان دۆخی داراییان خراپە.

 

ئەوە لەکاتێکدایە بەهۆی دابەزینی نرخی نەوت و رێکارەکانی دژی ڤایرۆسی کۆرۆنا عێراق و هەرێمی کوردستان کەوتونەتە قەیرانی داراییەوە،کاریگەریشی لەسەر ژیانی هاوڵاتیان دروستکردوە.

281 جار خوێندراوەتەوە