‎ڕوونکردنەوەیەک لە پارێزگای هەولێرەوە لە سەر دەستپێکردنەوەی قەدەغەی هاتوچۆ

04:41 - 13/06/2020
کوردستان

ژوری ئۆپەراسیۆنی پارێزگای هەولێر ڕەتیدەکاتەوە هیچ بڕیارێک بۆ دەستپێکردنەوەی قەدە‌غەی هاتوچۆ لە ئارادا بێت.

 

 ژوری ئۆپەراسیۆنی پارێزگای هەولێر لە ڕونکردنەوەیەکدا ڕایگەیاندوە، ماوەیەکە هەندێک کەس و لایەن، بە قوستنەوەی ئەو بارودۆخە نەخوازراوەی بەهۆی ڤایرۆسی کۆرۆنا دووچاری هاتووین قۆستۆتەوە و دەیانەوێت لەڕێگەی بڵاوکردنەوەی پڕوپاگەندەی بێ بنەما سەبارەت بە قەدەغەی هاتووچۆی تەواوەتی لەسنووری پارێزگای هەولێر، نرخی کەل و پەل و خۆراک و کاڵاکان لەسەر هاوڵاتییان زیادبکەن.

ژوری ئۆپەراسیۆنی پارێزگای هەولێر هاوڵاتیان دڵنیا دەکاتەوە، هیچ بڕیارێک لەبارەی قەدەغەی هاتووچۆی تەواوەتی لەسنووری پارێزگای هەولێر لەئارادانییە و هەموو ئەو دەنگ و قسەو باسانەشی کە هەیە پڕو پاگەندەی خەڵکانێکە دەیانەوێت بەو هۆییەوە نرخی کەل و پەل و خۆراک و کاڵاکان لەمارکێت و بازاڕانەکان لەسەر هاوڵاتییان گران بکەن.

ئاماژەی بەوەشکردوە لە رێگەی تیمەکانی چاوێری بازاڕ زۆر بەووردی چاودێری و کۆنتڕۆڵی نرخی کەل و پەل و پێداویستی و خۆراکمان کردووە و هەرکەس و لایەنێک لە سنووری پارێزگای هەولێر نرخ لەسەر هاوڵاتییان زیاد بکات ڕووبەڕووی ڕێکاری توندی یاسایی دەکەینەوە.

27150 جار خوێندراوەتەوە