به‌هۆی سه‌ربڕینی ئاژه‌ڵ به‌شێوه‌یه‌كی نایاسایی، لیژنه‌ هاوبه‌شه‌كانی قائیمقامیه‌تی سلێمانی ده‌ستیان به‌سه‌ر ژماره‌یه‌ك ئاژه‌ڵی سه‌ربڕدراودا گرت و لەناویان برد.
‌

كامه‌ران عزه‌ت، سه‌رۆكی لیژنه‌ی چواری سه‌ر به ‌لیژنه‌ هاوبه‌شه‌كانی قائیمقامیه‌تی سلێمانی رایگه‌یاند، له‌ ئه‌نجامی ئه‌و سه‌ردان و پشكنینانه‌‌ و به‌هۆی به‌نایاسایی سه‌ربڕین، لیژنه‌كه‌‌ ده‌ستی به‌سه‌ر هه‌شت ئاژه‌ڵی سه‌ربڕدراودا گرتوه، کە له‌ ناوچه‌ی تانجه‌رۆی شاری سلێمانی و به‌ده‌ر له‌ رێنماییه‌كانی ته‌ندروستی و ڤێتێرنه‌ری سه‌ربڕدرابون و خاوه‌نه‌كانیان به‌نیازبون به‌ هاوڵاتیانی بفرۆشن.

ئاماژەی بۆ ئەوەشکرد‌، ئه‌و ئاژه‌ڵانه‌ی له‌ كۆڵان و شه‌قامه‌كان سه‌رده‌بڕدرێن، پشكنینیان بۆ نه‌كراوه‌ نازانرێت هه‌ڵگری چجۆره‌ نه‌خۆشیه‌كن بۆیه‌ له‌لایه‌ن لیژنه‌ هاوبه‌شه‌كانی قائیمقامیه‌تی سلێمانیه‌وه‌ رێگری له‌ سه‌ربڕین و فرۆشتنیان ده‌كرێت.