درەنگانێکی شەوی ڕابردوو لەسەر رێگای کەرکوک-هەولێر لەلایەن چەند چەکدارێکی نەناسراوەوە، تەقە لە پاسەوانانی کۆمپانیایەکی نەوت کرا و پاسەوانێک گیانی لەدەستدا و دوانی دیکەش برینداربوون.

بەپێی زانیارییەکان ڕوداوەکە هێرش بوە بۆ سەر پاڵێوگەیەکی نەوت لە نزیک گوندی (گورگەچاڵ) ،ئەمەش دووەم هێرشە لەماوەی دوو رۆژدا.

بەپێی زانیارییەکان پاسەوانەکان هەرسێکیان کوردن و دانیشتوی گەڕەکەکانی کەرکوکن و بە گرێبەست بۆ کۆمپانیای وادی زئاب کاردەکەن.

ئەو گەنجەی بە تەقەی چەکدارەکان برینداربوو و دواتر گیانی لەدەستدا ناوی تیشکۆ عەلیە و تەمەنی 25 ساڵە، هاوکات بریندارەکانیش یەکێکیان ناوی عەبدولا محەمەد تەمەن 62 ساڵ و نەوشیروان عەبدوڵا تەمەن 31 ساڵ.