عێراق.. هاوڵاتییەک بەهۆى هەڵهاتن لە کەرەنتینە قاچێکى شکا

11:02 - 20/05/2020
عێراق

هاوڵاتیەکى خەڵکى بەسرە بە مەبەستى هەڵهاتن لە کەرەنتینە لەباڵاخانەیەکەوە خۆى فڕێدایە خوارەوە و بەهۆیەوە قاچى شکا.

 

 

میدیاکانى عێراق بڵاویانکردەوە،‎ ئەمڕۆ هاوڵاتیەک کە لە باڵەخانەیەکى کەرەنتینەکردنى گومانلێکراوانى توشبوون بەکۆرۆنا لە کۆمەڵگەى وەرزشى پارێزگاى بەسرە کەرەنتینەکرابوو، لەبەرزى (4) مەترەوە لەباڵەخانەکە خۆى فڕێداوەتە خوارەوە و بەو هۆیەشەوە جگە لە برینداربوونى بەشێکى زۆرى جەستەى قاچێکیشى شکاوە.

 

 

ئاماژە بەوەشکراوە ئەو هاوڵاتییە ناسنامەى بۆ میدیاکان ئاشکرا نەکراوە و لە ئێستادا ڕەوانەى نەخۆشخانەى بەسرە کراوە.

 

 

ئەوەش لەکاتێکدایە، پێشتر و لەسەرەتاى دەرکەوتنى ڤایرۆسى کۆرۆناى نوێ (کۆڤید19) لە عێراق بەشێک لە هاوڵاتیان ئامادە نەبوون تیمەکانى تەندروستى پشکنینیان بۆ بکەن و ڕەتیاندەکردەوە لە کەرەنتینەکاندا بمێننەوە.

245 جار خوێندراوەتەوە